بكون بخير !!

موضوع: بكون بخير !! الإثنين يونيو 01, 2009 6:05 am

بأكون بخير ...
لا تقلق
بأكون بخير

وبأتذكرْك .. ياخلـِّي
بعد بالخير ...

وحتى لو
تشوف الحزن بعيوني
تعدَّى موطني و كونــــي ...

تراني بخير
لا تقلق
تراني بخير ...

وش اللي صار حتى ما بخير ...؟؟
اكون بخير
ولا حاجه ...
.
.
.
سوى إني صرت محتاجه ...
أكون بخير ...!!

ويعني لو
أغص بعبرتي والا
أموت بحسرتي ..
يا خِـلّ
وش بيصير ؟

أبد عاااادي
.
.
.
ولا اهتميت بـ جروحي قسم بالله
ولا فيني ...

يا خلِّي ...
ترى عـــــادي ...
وش يجيني يجيني
ما نطقت الآه ...
لا بــــالله
ولا بي من يواسيني
مدام اني
أنــا .. من خانت التعبير ...!

يا خلـِّي
ووش بيصير
اذا صار الألم زادي ...
ورحت بدون ميعادي ؟
بأفسرها مثل حبـّـك
ولا بألقى لها تفسير ...

جروح الحب يا خلـِّي
هُم اولادي
أحَـد يزعل من اولاده ؟
.
أنا ماظن !

لكني
اذا ْ تغربـّـت فـ بلادي
أروح لمن !!
ياخلـِّي ...
أروح لمن ...؟
.
وأمسِّي مين في ليله :
" مساء الخير " ...
و لي غــنــّـى مواويله
و لـه تـقـدير ...
.
ولا يمكن
يهنــّيني فـأعيادي
سوى حبـّـه ...
وانا طبــّـه ...
وانا فجريــة اعياده ...

أجل يا خِـلّ ..
من اللي بعدها بآظلّ
أتذكر
وأعدّ وأنتظر وأحسب
بقى كم يوم
يا خلِّي
لذكرى عيد ميلاده ؟
.
وكيف اهرب
من احزاني
وانا من وين ما أهرب
بــ ألقاني ...!
ويلقى حزني بلاده ...
.
وكيف آعيش فالعالـــم
وانا ما أملك الا ذكريات الحب
في خاتم ...
وســـجاده ...
و ملح أحمر !
ودولابي ... ومكياجي
و عود ٍ ناحل ٍ أسمر ...
وبرج ٍ أحسِـبـه عاجي
و زهرة لوتس .. وحلم ٍ
صحى والكون متدمر !
ووش باقي ..؟
فقط لا غيـــر
أنـــا يمكن ../.. وأشواقي
وليل الموج في شـَـعري
على عطري ...
على فكري
وبعض اشعار معتاده ...
؟
؟
؟
وبس تدري ؟
.
أبد عاااادي ...
ووش بيصير
الى من ضاعت سنيني؟
عمر فاني ...
بأعزِّي تــُـربتي فيني ...
وما جـــاني ؟
أبد .. تكفيــــر ...

وذي عاده ...
انا من وين
يا خلـِّي
بأشوف الخير ...؟
و لي عشرين عام ٍ
كلـّما جتني بشاير خيـــر
.
.
.
خذاه الطير ...!!
خذااااه الطيــــــر يا خلِّي ...
خذاه الطير ...

ووش تفرق ؟
إذا شمسي
تدوِّر في ظلام الروح عن مشرق
ولا تشرق ...
ولا تمسي
ولااااا تفرق ...!
.
بأكون بخير ...
لا تقلق
بأكون بخير

كل مايلــــــــقى الفرح يمي طريق
لا لقى وجـــــــهي ..تكدر وانتحب
كن عيني صارت ف همي بريق
وكن جوفي نار وضلوعي حطب
والعشق ماهوب مــن حظ العشيق
وش لقينا من وراه الا التعـــــأب
لا لقينا صدق محتاج لصديـــــق
والهنا لا ذاق وعد ولا شـــــرب
وما يطيح الورد من ثقل الرحيق
ماتشوف الارض تمسك بالخشب
بسهر الليله بلا ليل ورفـــــيــق
دام غصن التوت ماطال العنب
مجرم الاحلام من نومي طليق
وهاجس السجان في همي لعب
رحي ابطفي بالبكا نار الحريـق
واثرني طفيت عيني باللهـــــب
صاحبي ماعاد لي نفس تطــيق
وماعلي المحروم من نفسه عتب
انثر دموعك علي ودي افيــــــق
وادري اني مت طالبتك طلــــب
ليتها بس جت على كوني يضيق
البلا ضاقت عظامي ياعـــــــرب
الحياه اليوم ماتسوى شهيــــــــق
كنت ابحيا بس ربي ماكتـــــــــب
وكل ماينســد في وجهي طريــق
تضحك الفرحه علي بلاســ،،بـب
.
.
.
.
.
.
.
.
.
.
.
.
تشوف شلون يا خلِّي
فراقك غير ...!
.
.
.
أجل وشلون
تطلبني :
أكون بخير ...؟!
.
.
.

أ
ك
و
ن

.

ب
خ
ي
ر
.
.
.
!!!

.
.
.
.
.
ويعني وبس
هذا اللي
تبي مني
وتطلبني ...

ألا يا خِــل ّ...؟
.
.
.
وكني بك تجاوبني :
- " فقط لا غير ..."
.
..
...
..
.
فقط لا غير ...!!
.
.
.
أبد إبشــر ...
تطـــمـّـن يا معذبني ...
تراك بـ حِــل ّ ...
.
.

تراك بحل لو قالوا : حبيبك مـَـل َّ ...!
وانا ادرى النـــاس
في طبعك ...
ملول وتعشق التـغـيـيـر ...
يا خلـِّـي
ولا تنلام ...
ذا طبعك
وانا دلوعتك واعرف
طباعك زين ...
وانا اللي كنت أقرب لك
من اقرب شخص من ربعك ...
تبي تسكت .. أنا أكــمل
ولا تخبِّـي ...
أبــتــحـمــّـل ...
وأكون بخير …
ما قصـّرت
أفـا يا خلّ !
.
.
لا تسكت
ولا تخبـِّـي ...
تطمَّـن
واحلف بربٍِّي ...
.
.
.
بأكون بخير ...
يا حبـِّي
إذا انت بخير ...
.
.
.
.
.
.
.
.
.
.
.
.
.
.
عساك بخير ....

واضح انها مصروقه
يشيخه هالقسم للي انتي تكتبينه بنفسك مو تصرقين حقوق النااااااس (فيس معصب) فهمممممتي

يووووووووووه منك جننتني يعني الي يقول ماتعرفيني شاعره

لازم اوريك الورقه

المشكله ضاعت>>>صرفتها

ثانكس ع المررررور